जानेवारी १०, २०१०

अपेक्षेप्रमाणे 'शिक्षणाच्या आयचा घो' सिनेमाच्या नावावर वाद उठला. मराठा महासंघाने त्या नावावर आक्षेप घेतला आहे. गेल्या आठवड्यात उठलेला "झेंडा" सिनेमाचा वाद आणि आता हा. जमेल ते पक्ष , संघटना आता समोर येऊन आपली ताकद दाखवायचा प्रयत्न करत आहेत. ( मराठा महासंघाची पत्रकार परिषद सध्या चालू आहे त्यात तर त्यांचेच वाक्य आहे की सिनेमा प्रदर्शित झाला तर आम्ही आमची ताकद दाखवू.)
साध्या विचारांत तरी मला हे कळत नाही की नेमका सिनेमा प्रदर्शित व्हायच्या आधीच हे वाद का उठतात? (सिनेमाच्या पथ्यावर पाडण्यासाठीही असू शकतात हे तर भरपूर वेळा दिसतेच. पण इथे ती शक्यता आहे का?)

आता 'झेंडा' सिनेमाचे एक वेळ मानू शकतो की त्यातील दृश्यांवर किंवा त्या व्यक्तिरेखेवर त्यांचा आक्षेप आहे, ते सर्व सिनेमा प्रदर्शित झाल्यानंतरच कळू शकतात, काही वेळा सिनेमाच्या प्रोमो मधूनही. पण सध्या तरी हा सिनेमा अजून प्रदर्शित झाला नाही आणि प्रोमोमध्ये तरी काही आक्षेपार्ह संवाद वगैरे दाखविले नाहीत. मग 'स्वाभिमान' ने सिनेमा न पाहताच त्यावर आक्षेप कसा नोंदवला?

आणि 'शिक्षणाच्या आयचा घो' ह्या सिनेमाबद्दल म्हणायचे, तर ह्या नावाचा सिनेमा येणार आहे हे ३ महिने आधीपासूनच आपल्याला माहीत होते. ते नाव वाचून मी तेव्हाच मित्रांना म्हणालो होतो की ह्यावर ही वाद उठणार. मग त्या मराठी महासंघाला ३ महिने काहीच माहीत नव्हते का? आधीच का नाही तक्रार आली?

आणि सरकारचे तर काय म्हणावे? नेहमीप्रमाणे बघ्याचीच भूमिका घेणार. कोणी कायदा हातात घेतला तर आम्ही पाहून घेऊ म्हणतात. त्याआधीच का नाही काही करत?

असो, आपण तर काय सिनेमा पहायला मिळेल त्यानंतरच ठरवू काय चांगले आणि काय वाईट ते.

5 प्रतिक्रिया:

सिद्धार्थ म्हणाले...

"शिक्षणाच्या आयचा घो" नावावरून वाद उठेल ते ठीक आहे पण झेंडा चित्रपटाचे प्रदर्शन उगीचच पुढे ढकललं गेलं. आता सदा मालवणकराचे पात्र म्हणजे काही धुतल्या तांदळाचे उदाहरण नाही की ज्याला चित्रपटात वाईट दाखवलं गेलय. जर तुम्हाला आपली चित्रपटात दाखवण्यात आलेली प्रतिमा बघायला आवडत नसेल तर प्रदर्शन रोखाण्यापेक्षा आपली प्रतिमा बदला. मोठे आले स्वाभिमानी.

हेरंब म्हणाले...

सगळी दिखाउगिरी आहे असं मला तरी वाटतं. प्रसिद्धी मिळाल्या शिवाय चित्रपट चालत नाही. शेवटी बदनाम हूए तो क्या नाम तो हूआ

देवदत्त म्हणाले...

@सिद्धार्थ: मलाही तेच वाटले होते की त्यांना प्रसिद्धीचीच हाव दिसते, माध्यमांसमोर आपले नाव असले पाहिजे.

@हेरंब: सहमत आहे. कोणीही ते करत असेल, पण सध्या तरी आक्षेप घेणारे स्वत:ची प्रतिमा बिघडवून घेत आहेत असे दिसते.

आनंद पत्रे म्हणाले...

खर्या ’सेंसर’ ची भिती कमी असेल पण हे राजकीय सेंसर अजब कारभाराचे असते...

देवदत्त म्हणाले...

@Anand: खरंय तुमचे म्हणणे. सेंसोर बोर्डाचा धसका फक्त सिने-निर्मात्यांना होता. ह्या नवीन सेंसॉरशिपचा धसका प्रेक्षकांनाही आहे. कारण वादग्रस्त सिनेमा पहायला गेलो तर उगाच त्यांच्याकडून नुकसान व्हायची भीती. आजकाल काही सांगता येत नाही.

इंडिब्लॉगर गुण

Unordered List

Followers

वाचनसंख्या:

Blog links

Definition List

ब्लॉगअड्डा

लेखन यादी

नुकत्याच लिहिलेल्या प्रतिक्रिया

Widget by ReviewOfWeb

वर्ग

अनुभव (79) चित्रपट (28) माहिती (18) दूरदर्शन (17) मराठी (16) वाहतूक (14) हिंदी (14) आंतरजाल (13) कर (13) वैताग (13) आठवणी (12) गुंतवणूक (11) जाहिरात (9) भ्रमणध्वनी (9) क्रिकेट (8) अर्थसंकल्प (5) ब्लॉग माझा (5) सामाजिक (5) जुनी गाणी (4) भटकंती (4) महाराष्ट्र (4) विश्वचषक (4) वृत्तवाहिनी (4) आयडिया (3) विनोदी (3) संकेताक्षर (3) अमिताभ (2) त्रिमिती (2) नाटक (2) निर्बंध (2) पुस्तक (2) प्रश्नमंजुषा (2) फ्लॅट टायर (2) मालिका (2) सचिन (2) अर्थ अवर (1) एकट्याने खाल्ले तर शेण (1) कालक्षेत्र (1) कुलुप (1) केबीसी (1) कॉमनवेल्थ गेम्स (1) गणेशोत्सव (1) गीत रामायण (1) जितेंद्र (1) जेटलॅग (1) थंडी (1) दिलवाले दुल्हनिया.. (1) दिवाळी अंक (1) दुहेरी (1) पारितोषिक (1) पासपोर्ट सेवा केंद्र (1) बिग बॉस (1) बॉबी देओल (1) भाषा (1) मासा (1) राखी का इंसाफ (1) राष्ट्रकुल स्पर्धां (1) वपु (1) श्रावणी (1) सदस्य खाते (1) सिक्वेल (1)

टीवटीव

Bravenet Counter